Kush jemi ne?

Këtë rrjet e drejton sheih Vullnet Merja

Së bashku me një grup dijëtarësh fetar të cilët ndjekin medh’hebin e Ehli Bejtit (as) dhe të imamëve të pamëkatshëm emrat e të cilëve janë të caktuar në hadithin e Profet Muhamedit. Këtë hadith e ka transmetuar Xhabir ibën Abdullah El-Ensarij.  

Në një hadith zotria e jonë Ebi Abdilahi Xhafer ibën Muahmed (as) ka thënë: «Babai im I tha Xhabirit të birit të Abdullahit.

«Unë kërkoj prej teje të më kryesh një nevojë dhe dua të jemi vetëm ne të dy. Kur mbas disa ditësh u bashkuan i tha atij: Më lajmëro rreth asaj shkrese që shikove në dorën e nënës time Fatimeja (alejha selam). Xhabir tha : Pasha Allahun, unë hyra në shtëpinë e Fatimesë e bija e Profet Muhamedit për ta uruar për fëminë e saj të lindur Hysejni (as). Kur hyra pashë se ajo mbante në dorë një fletë me ngjyrë të gjelbër.

Në të gjindej shkrim më i ndriçuar se dielli dhe aroma e tij ishte me e këndshme se ajo e miskut. Unë i thashë: Ç’është kjo o bija e Profetit të Allahut?

Ajo tha: Këtë, Allahu ja dhuroi babait tim. Në të gjindet emri i babait tim, emri i Aliut dhe emri i evsajeve mbas Aliut prej fëmjëve të mi. Unë i kërkova asaj që të ma japë dhe unë ta shkruaj në një letër për mua. Ajo veproi.

Ai i tha atij : A mund të ma shfaqësh mua atë ? Xhabir tha po. Ai shkoi në shtëpinë e tij dhe e solli shkresën.

Në atë ishte shkruar : Bismilahi Rrahmani Rrahim. Ky është shkrim nga Zoti i ditur i poltfuqishëm që ia dha Xhebrailit për Muhamedin vula e Profetëve.

O Muhamed : lartësoi emrat e mi, bëhu përgëzues i mirësive të mia, mos e moho fuqinë Time, mos iu frikëso askujt pëveç Mej sepse ai që i frikësohet të tjerëve dhe jo Mua, Unë do ta dënoj me dënim të tmerrshëm. Unë të zgjodha ty mbi të gjithë të dërguarit dhe i favorisova vasijit (trashëgimtarët) tuaj mbi evsijatë. Dhe e kam bër Hasanin mbajtës të diturisë Time mbas babait të tij, dhe Hysejni fëmijën më të mirë të parëve dhe të fundëve. Në të është i konstatuar imameti dhe prej tij do të vijë Aliu Zejnel Abidin dhe Muhamed El-Bakiri mbajtësit e diturisë Time dhe ftues në vijën e drejtë dhe të vërtetë, dhe Xhafer Sadiku (i vërteti) në thënie dhe veprime. Mbas tij do të ndodhë çrregullim verbues. Të mjerë gënjeshtarët për robin tim dhe të zgjedhurin tim prej krijesave të Mia Musa dhe Ali El – Ridha të cilin e vret një person i pa fe në qytetin që e ndërtoi besimtari i mirë në krah të sherrit të krijesave të Allahut.

Dhe Muhamed El Hadi mbrojtës i sheriait tim dhe i moraleve në ymet. Hasani është prej tij dhe Muhamedi që do të vijë në fundin e zamanit. Mbi kokën e tij do të gjindet një re e bardhë e cila e hijezon prej diellit. Ai do të flasi me gjuhën e pastër dhe të dlirë të cilin do ta dëgjojnë njërëzit xhinët dhe... Ai është Mehdiu prej Familjes së Muhamedit (sa) i cili do ta mbushë tokën me drejtësi mbasi u mbush me pa drejtësi» ^([1]).