MBULIMI

Lumyuri jo fatkeqësi

Sejid Muhamed Ibraim Kazvini

 Parathënie

Me emrin e Allahut Mëshiruesit Mëshirbërësit

Falenderimet janë për Allahun e gjithë botërave. Paqja dhe mëshira e Tij qofshin mbi zotninë e të gjitha krijesave dhe më i përsosuri i Profetëve dhe i të dërguarve, zotnia ynë dhe Pejamberi jonë Muhamedi, dhe mbi Familjen e Tij të pastër, të cilët Allahu i pastori Ato prej ndytësive të mëkateve deri në skaj dhe mbi shokët e tij të zgjedhur.

Ky libër i cili gjindet në duart tuaj është një prej librave të cilat vihen mbi tryezën e kërkimeve dhe analizave studimore.

Njëri prej këtyre kërkimeve studimore të kësaj kohe është Hixhabi (Mbulimi), dhe kuptimi i gabuar rreth tij, për të cilin shumë persona përpiqen për ta mbjellë këtë kuptim të gabuar në shoqërinë tonë Islame.

 Nuk ka dyshim se femra përbën më shumë se gjysma e shoqërisë dhe se për të gjinden respekte dhe nderime si çdo njeri i cili jeton në këtë planet Gruaja nuk është krijesë e huaj në këtë botë dhe as element i jashtëm i kësaj jete, përkundrazi ajo është partenere e jetës.

Përderisa Islami është fe e kësaj jete Ai i ka dhënë përparësi kujdesit për gruan duke vendosur rregulla dhe ligje të drejta për të gjitha anët e ndryshme të jetës së saj qoftë kjo jetë persorale, bashkëshortore, familjare dhe shoqërore.

Për këtë në Kuran gjen një suretu të plotë e cila mban emrin Nisa (grua). Po ashtu gjen ajete të tjera të cilat flasin rreth gruas, dhe për rregullat të cilat kanë lidhje me të, dhe për ligjet të cilat i japin asaj mirësi harmoni dhe i sigurojnë asaj lumturi në këtë botë dhe në botën tjetër.

Përderisa natyra e gruas ndryshon nga ajo e burrit përsa i përket anës sikjologjike dhe asaj shoqërore dhe në anë të tjera, është e natyrshme që të gjinden dallime në mes burrit dhe gruas në disa ligje dhe rregulla. Ky dallim nuk ka ardhur veçse në përputhje me gjendjen vetvetore të saj me natyrën e gruas dhe nuk ka për qëllim mangësinë e saj siç e akuzuan armiqtë e Islamit Islamin për këtë çështje.

Dhe erdhi ligji i hixhabit (mbulimit) i cili është në krye të ligjeve të sheriatit të cilin Islami e vendosi atë dhe e bëri obligues  për gruan për ti siguruar lumturinë e saj, dhe për të mbrojtur nderin dhe e saj.

Domosdoshmërinë e mbulimit e shohim në ajetet e Kuranit Allahu (xhsh) e ka përmend këtë ligj në disa ajete dhe jo në një ajet të vetëm, siç janë disa ligje dhe rregulla të cilat Allahu i përmend me një ajet të plotë apo me një fragment të ajetit.

Kjo përsëritje dhe kjo dëshmi e Allahut tregon se sa i domosdoshëm është mbulimi i gruas në këtë botë.

Ajo gjë  e cila tërheq vëmendje dhe fton në përkujdesje është se ligji i mbulimit të gruas gjithmonë është në ballafaqim me shumë sulmime, kundërshtime prej armiqëve të Islamit dhe ftuesit e fesadit dhe çrregullimit, deri sa u bë pike shënjestër i lapsave trumpetave të tyre.

Ata filluan ta shfrytyrojnë dhe ta cilësojnë si prapambetje, dhe thonin se Hixhabi është mjerim dhe fatkeqësi për gruan, mangësi për të në këtë jetë… e shumë akuza dhe shpifje të ngjyrave të ndryshme.

Është për të ardhur keq kur shikon qeveritë të cilat mbajnë një qëndrim negativ në drejtim të Hixhabit, dhe përdorin të gjitha mundësitë e tyre për përhapjen e mendimeve rreth mos mbulimit të  gruas dhe zgjerimin e tij në mesin e grave myslimane.

Në çdo kohë lexon në gazeta apo dëgjon lajme se filan qeveri nxorri ligj për ndalimin e vajzave të mbuluara në vazhdimësinë e mësimeve të tyre në shkolla të mesme apo në universitete, dhe se qeveria tjetër ka vendos si kusht kryesor mos mbulimin për studentet etj!!

Nëse kthehesh pak prapa në historinë e Iranit përshembull të lexosh se qeveria në fillim të periudhës Mbretërore nxorri ligj zyrtar për ndalimin e Hixhabit rreptësisht në të gjitha anët dhe krahinat e qyteveve, dhe shpërndau punonjësit e rendit dhe policinë nëpër rrugë dhe nëpër tregje, me qëllim të «zhdukjes» së Hixhabit, dhe heqjen e shamiave të grave të mbuluara.

Prej këtij veprimi gratë besimtare e panë të favorshme që të qëndrojnë në shtëpia dhe mos dalin prej tyre për disa vite prej frikës që punonjësit e rendit dhe policia mos i zbulonin ato.

A thua…. Përse kjo luftë e ashpër kundër Hixhabit?

Përse nuk e luftojnë drogën shkatarruese e cila dëmton njerëz dhe vende, dhe asgjeson gjallesat?!

Allahu (xhsh) thotë: {Dhe kur kthehet, ai vepron vepra shkatarruese, në tokë, të asgjesojë të mbjellat dhe gjallesat. E Allahu nuk e don çrregulimin}^([1]).

Po! … Ato vërtet e kuptuan urtësinë e këtij ligji dhe filozofinë e tij llogjike, natyrore, dhe ndikimet positive të tij, dhe pane se Hixhabi përbën një fortifikatë ndaluese përballë planifikimeve dhe thënieve të tyre kundër shoqërisë të pastër islame.

Nga këtu… ato e luftojnë këtë ligj të islamit me mënyra të ndryshme nëpërmjet televizionit, qendrave të infomacionit, gazetave, revistave, kinemave etj.. dhe përpiqen për heqjen e mbulesave prej grave myslimane dhe zhveshjen e shamiave të tyre, dhe përpiqen në shtytjen e tyre në prehërin e fesadit dhe të imoralitetit.

Përderisa çështja është e tillë, është detyrë për gruan myslimane që të intersohet për hixhabin dhe të luajë një rrol të madh në rrugën e përhapjes së këtij ligji në mesin e studenteve, vajzave, dhe zonjave, dhe ti ftojnë ato në zbatimin e këtij ligji.

Është obligim për gruan myslimane në veçanti dhe për të gjithë myslimanët në përgjithësi që të mos i lënë vend armiqëve për realizimin dhe praktikimin e qëllimeve të tyre djallëzore të cilat janë dëmtuese për Islamin dhe për myslimanët.

Shepresojmë që ky libër të jetë hap në këtë subjekt. Dhe Allahu është Mbarësues dhe mbrojtës.

Muhamed Ibrahim Muvahid.